Ապրիլի 22-ի առավոտյան Կողբ գյուղի 54-ամյա բնակչուհի Մարիետա Սուրենի Հակոբյանը դուրս էր եկել գյուղից շուրջ 8 կմ հեռու Շեկրանի Թալա հանդամասում գտնվող իրենց տնակից եւ երեկոյան չէր վերադարձել: Հաջորդ օրը նրա կորելու մասին հայտարարություն է տրվել Նոյեմբերյանի «Քամուտ» հեռուստաընկերությամբ, ընտանիքի անդամները դիմել էին ոստիկանություն, հարազատներն ու համագյուղացիները որոնողական խումբ էին կազմել: Երկու օր անց Մարիետա Հակոբյանին կախված են գտել Այրում քաղաքի շրջակա մի հանդամասում: Կատարվածը, հավանաբար, ինքնասպանություն է: Մեր տեղեկություններով` կինը հոգեկան շեղումներ ուներ:
